Klokkas antiagentur

Sjølvrefleksjon

2012-02-17T23:06:00.001+01:00

Klokka. Heilt kanon.

Vegmeldingar

2012-02-14T16:16:00.002+01:00

Klokka har vore ute på vegane i det siste. Her er kva ho har observert som var utanom det vanlege:

eit grått teppe
ein rev

Både teppet og reven var knytta til bilar på måtar dei helst ikkje skulle.

(Ingen kom til skade under desse passive observasjonane, truleg.)

Fleire falske vener

2012-02-06T10:59:00.001+01:00

Høgrearm og venstrearm når den eine lir av identitetsforvirring.

Falske vener

2012-02-02T21:52:00.001+01:00

Kval og kalv. Så like og likevel så ulike.

Fanfare

2012-02-02T15:05:00.001+01:00

Tatatataataaaaa

Mellomspel

2012-01-26T19:17:00.003+01:00

Spelet mellom forspel og etterspel eller mellom andre spel, til dømes første og andre spel, kallar ein gjerne mellomspel. Ideelt sett skulle mellomspelet føre til eit neste spel slik at ein kunne få eit etterspel, dersom det i utgangspunktet låg eit spel før mellomspelet. For logisk sett skulle forspelet kome før spelet og etterspelet etter spelet, slik at mellomspelet kjem mellom spela som er mellom forspelet og etterspelet. Men kvar finn ein eigentleg forspelarar, spelarar i spelet og mellomspelarar og etterspelarar? Og kva heiter spela mellom forspelet og mellomspelet og mellom mellomspelet og etterspelet?

Korleis verte god på å køyre semitrailer på norske vegar

2012-01-24T21:27:00.002+01:00

Ikkje sjå så nøye på vegmerkinga
Ikkje bruk tid på å signalisere kva ein vil eller kvar ein vil
Bruk køyrelys berre dersom ein sjølv føler seg motivert til det
Gå ut frå regelen "størst = først"

God tur.

Bannlyst II

2012-01-21T22:47:00.003+01:00

"For vanlige mennesker" alt. "for normale mennesker".

(Sjå her for annan bannlysing.)

Eksistensiella frågor

2012-01-19T17:27:00.002+01:00

Er alle froskar grøne? Har alle hestar fire bein? Har alle blomar namn? Kvar bur lufta? Verkar tyngdekrafta likt overalt? Er tog betre enn bil? Er lufttrykkskilnaden mellom kjellar og loft stor? Kva er eigentleg botnlaust? Korleis kan gløgg heite gløgg og ikkje glugg, til dømes? Kvifor har kua fire spener når sau og geit berre har to kvar og kua sjeldan får firlingar? Er tog betre enn bil? Stemmer det at det finst fleire grønfargar enn gulfargar? Har alle blomar namn? Kvar bur lufta? Verkar tyngdekrafta likt overalt? Er lufttrykkskilnaden mellom kjellar og loft stor? Er alle froskar grøne? Kvifor har kua fire spener når sau og geit berre har to kvar og kua sjeldan får kalvar med fire hovud? Har alle hestar bein?

Godt nytt år

2012-01-15T17:47:00.002+01:00

Kjære alle saman: Måtte det nye året ikkje ta slutt før tida. Måtte det nye året ikkje vare lenger enn naudsynt. Måtte det nye året ha årstider. Måtte det nye året ha tilstrekkeleg grøde. Måtte det nye året ikkje ha for mykje graut.

Klokt råd

2011-11-24T15:04:00.003+01:00

Klokka har funne ei kjelde som strøymer rikt over av gode råd. Ho vil la nokre av desse også kome andre til nytte, som her:

I stedet for å bruke en butikk-kjøpte munnvann eller pust spray, bland en halv teskje av eple cider eddik i en åtte unse glass vann, deretter gurgle (i stedet for bare swishing den rundt i munnen din) i 10 sekunder. Spytte ut blandingen i stedet for å svelge det.

Velkommen til dagen

2011-11-22T13:43:00.002+01:00

Når ein ser ut og tek til å undre seg over når taket som fauk av hytta over sundet i førre månad vart reparert.

Froschkampf

2011-11-16T12:34:00.001+01:00

Hegel rimar på Schlegel

Schlegel rimar på Hegel

Så trist

2011-10-10T18:07:00.001+02:00

Så mange bloggar har gått i dvale.

Kan de høyre sjelar kvale?

Og englar dale

framfor å male

eller

hesten sale.

Bannlyst I

2011-06-10T22:47:00.001+02:00

"På en helt spesiell måte."

Murring

2011-05-23T11:34:00.002+02:00

Klokka murrar. Snart kjem det til bannlysing av både det eine og det andre. Det er ikkje alltid at murring er nok.

Nokre rettar utan klammeformer

2011-02-24T10:43:00.003+01:00

rett, rett, rett, rettarbot, rettargang, rettarstad, rette, rette, rette, retteleg, rettenkt, rett-tenkt, rettesnor, rettferd, rettferdig, rettferdssans, retthaveri, retthaversk, retting, rettkomen, rettlaus, rettslaus, rettleiar, rettleie, rettleiing, rettlina, rettlinja, rettløyse, rettsløyse, rettmessig, rett no, rettno, rett nok, rettnok, rettruande, rett-truande, rettsavgjerd, rettgild, rettsgyldig, rettshavar, rettsindig, rettskaffen, rettskjensle, rettskriving, rettlaus, rettslaus, rettsleg, rettslærd, rettløyse, rettsløyse, rettsoppgjer, rettssak, rettsskipnad, rettsstat, rettsstell, rettstrygd, rettsvern, rett-tenkt, rettenkt, rett-truande, rettruande, rettvinkla, rettvis, rettvise.

Oldefar, fotefar

2011-01-11T15:24:00.002+01:00

I vekas D&T var det noko om Nordhordland som det nye Sunnhordland i litteraturen. Klokka kjem korkje frå her eller der, men kan skryte på seg ein oldefar med band til nord, sud og litteraturen (trass i nikotinforgifta innskrumpande slektningar i Bergen by som innkasserte på bybrannen i '16 (men det var altså ikkje oldefar, som for i andre fotefar (og likevel finst på UB (som også den nikotinforgifta)))).

..og..

2011-01-05T20:41:00.001+01:00

..slik går nu dagan..

Andletet er det same

2010-11-16T16:45:00.003+01:00

alle som har vore innom dei siste dagane, har kanskje undra seg over kvar klokkaandletet var. ei lita blå rute med eit spørjeteikn er ikkje det som plar prege klokka. ein stund i går og tidlegare i dag var eit surrogatandlet der ein skulle tru ein ville møte klokka. no er andletet attende. og det same.

ein gong klokka, alltid klokka.

Ei tid for alt

2010-11-15T15:27:00.003+01:00

av alle mogelege opningar for galskap er no ei utvalt for den komande tida, og ei anna for tida deretter. det er ikkje måte på kva som kan drive ein ut i slikt uføre. det er best å skru av maskina og ikkje seie meir.

Å kunne (utsegn)

2010-10-18T12:39:00.003+02:00

Å kunne er noko som frå tid til anna er mangelvare. I så mange samanhengar. Klokka har nett surfa nettaviser. Der er det mykje ukunne. Ser ho endå ei overskrift over mønsteret "Se xx på vei til yy" eller "xx klar med ny zz ", som er vanlege strukturar sjølv i seriøse avisar om seriøse tema, er ho ille ute. Totaltabloidisering og funksjonell fiksjonalisering av røyndom(srepresentasjonar) under falskt flagg.

(Klokka klang.)

(Utsegna: Det går framleis ad undas.)

..ein skulle tru

2010-09-27T18:39:00.002+02:00

stikk i strid, altså. stikk i strid med det ein kanskje skulle tru, er klokka framleis i vigør. fleire har undra over kvar ho har vore. om ein skal tale sanning, må ein nok nemne at klokka har drive utbreidd spaningsverksemd i sommar. mykje er oppdaga. tidleg haust har gått med til informasjonssortering og generell sakshandsaming. og no? eit vasskilje.

GPL Revisited

2010-08-17T23:23:00.002+02:00

Når containaravhending skaper trafikkork og ingen kjem på visninga og monstra sit på teikningane.

Og vêret er nokon lunde og fiske framleis ikkje er på land.

Og vekkaruret som går like bestemt og fører ein inn i straumen. Og ingenting skal likevel gå opp i saumane.

Hadde ein berre visst sikkert kva som var mynta på containaren og kva som var riktig hylle.

Kringlegris

2010-08-09T18:40:00.001+02:00

Kringlegris er når nokon har kringla det slik til at det anten ikkje liknar grisen eller liknar grisen.

Berre spør om det er noko.

Å2

2010-08-02T23:36:00.000+02:00

Åhh - å gløyme frå i vår kor lurt det er å ha sove nok. Å.

Desperasjonssjokkeleganse

2010-05-28T19:06:00.002+02:00

Ååå - endeleg Rameau til eit volum som er akseptabelt. Å undre seg over kvar fløyelen og silka er. Å kjenne dirren. Å sjå etter steingolvet. Å vente på amma. Å late lyden overta. Å sjå seg om etter slepet. Å speide etter eit heilt dyr på grillspyd. Å flimre med auga. Å halde pusten under korsettet. Å. Åååååå.

Bill.mrk.: Svar til filologen

2010-05-11T20:34:00.004+02:00

(For nye lesarar: Filologen kom med eit utspel i denne spennande følgjetongen, og Klokka svarer:)

Buerie iehkede. Im leah datnem aarebi vuajneme. Datne iktesth diekie vaadtsah? Datne leah gielhtegs almetje. Datne gåaloeminie? Sijhth prithjegem? Njaelkies lea. Viedtjh tjaetsiem.

Heilt kanon

2010-05-10T17:19:00.001+02:00

Ein kan syngje kanon, lese kanon og skyte kanon. Og alt dynamisk.

Hadde no berre stiftemaskina vore der han plar vere.

Underleg

2010-05-06T16:52:00.002+02:00

Ein kan undre seg over kvifor oska (lydleg) er oske på eit språk og torevêr på eit anna.

2010-03-16T11:18:00.004+01:00

Det var ein gong tre hippar som skulle over ei bru. Den største Hippen gjekk først. Han kom seg godt over brua, sjølv om han høyrde skumle lydar under seg. Så kom den mellomste Hippen. Han høyrde dei skumle lydane og skalv medan han forta seg over brua. Då han var komen vel over, var det den minste Hippen som skulle over brua. Han visste ikkje kvifor han måtte over, og han hadde sett på brørne sine at dei hadde vorte skremde av noko. Difor var det ikkje fritt for at han kvia seg litt. Men, tenkte han med seg sjølv, ingen vart store og sterke av å sitje å vere redd. Han la i veg, best han kunne, og nærma seg brua. Men der, akkurat når han var på veg over og den skumle lyden var mogeleg for han også å høyre, ropte einkvan "Freeze". Den minste Hippen kunne ikkje anna enn å stivne der han var, så vidt utpå brua over den skumle lyden. Og har ingen late han gå enno, ligg han der enno.

dementi

2010-03-09T16:07:00.003+01:00

det var ikkje meininga, og det var heller ikkje med vilje, og det heile vart annleis enn nokon på førehand kunne ha tenkt seg. årsaka ligg nede for teljing, men i det heile vert det mindre å gjere når berre betalinga for smøret er på plass. bjørnen har for lengst mista skinnet. det er i det heile mykje å be om orsaking for.

170

2010-02-25T20:23:00.002+01:00

I dag har vore ein dag blant dagar. I morgon vert atter ein dag blant dagar. I går var også ein dag blant dagar. I dag skulle ein ha gjort noko ein ikkje gjorde, det som ein ikkje gjorde i går men skulle ha gjort før i morgon. I dag var ein dag då alt som hende ikkje faktisk hende, men alt berre gjekk, slik berre bestemorsur går.

Og enno var det noko ein skulle ha sagt, ei historie skulle vorte skriven eller i det minste fortalt, men det store tomrommet, det svarte holet, gjorde seg gjeldande og saug bort alt som var eller kunne ha vore slik at det ikkje vart. Så var det mørkt. Både i det svarte holet som saug alt til seg og slukte det slik at alt forsvann og utanfor det svarte holdet som saug alt til seg slik at alt forsvann. Ingenting var att.

Berre historia som ikkje vart fortalt om katten som stirte på den andre katten og den osteetaren som sa at nei, det fanst ikkje ost der, ein fekk heller klare seg utan, sa osteetaren mellom munnfullar av ost, og dessutan kjellargravaren som tenkte at å grave er alltid ein framtidsretta handling og toga som gjekk att og det ein glemte i butikken som ein ikkje hadde lov til å gløyme, og så var det brått innlegg nr. 170, utan at innlegget var det innlegget skulle ha vore, det var faktisk ingenting, men kanskje kunne det ha vore noko dersom Klokka berre hadde oppdaga menneskelege trekk i havet i staden for i bergveggar, men det ho skulle seie noko om var tomrom, slike tomrom som det svarte holet som eter materie og kanskje faktisk berre er ein rullekoffert som rullar nedover brostein midt på natta i ein mørk gate medan han sug til seg ting han kan sluke heilt fram til han har vakse til eit stort svart hol i universeg og slukar planetar og framfor alt gustav holst og så kjem møbeltapetseraren og vil ha stripar på sofaryggen medan han ikkje skjønar at det alt er for seint, og at ikea for lengst har teke over verda, trass i at innlegg nr. 170 til det meisterverket det kunne ha vore, men vegen er lang

spire

2010-01-18T20:12:00.002+01:00

dagen som kom og dagen som gjekk. ikkje visste nokon noko. ikkje vart det det eine, og heller ikkje det andre. songar vart ikkje sunge, brev ikkje skrivne. enno er det langt til vår.

Klokka kunngjer at

2010-01-16T21:46:00.005+01:00

natta er framleis lang. Dagen er enno kort. I tida mellom natt og dag, eller dag og natt om ein vil, er det korkje dag eller natt. Heller ikkje datt eller nag.

Når ein som minst ventar det, kan transitten ha inntreft.

flokk

2010-01-13T10:56:00.001+01:00

mykje kjem i flokk.

Godt nytt år

2010-01-12T21:15:00.001+01:00

Betre å ta det tidlegare slik at det ikkje vert for seint.

tjueførstedagen

2009-12-21T14:02:00.002+01:00

den mørkaste dagen kom med tre år gamal musikals helsing. eit utdrag frå teksten:

spiller på piano

se inn i kamera

og lekebilen falt ned i boka

og boka stod åpen så siden ble ødelagt

og krøllet sammen i peisen

og peisen brente opp

og huset brant jo helt opp

og papiret ble så cirka

at det ble mulig å spille på piano

men nå hadde de kjøpt nytt piano og ny peis

så klarte de det helt fint

og måtte synge hele veien

og stikkontakta ble så ødelagt at det ikke gikk an å synge

bare i mobiltelefonen uten form

lalalalala

jeg spiller på piano

i det gamle huset var det tomt

de måtte bruke lommelykt for å se i kjelleren

biler de hadde i det gamle huset ble røvet og de fikk ikke ta han med

men boka var hel og fin

bare en ødelagt side

og en side ble ødelagt på grunn av det voldsomme regnet

i det gamle huset var det oversvømmelse av regn

i fryseboksen

(delar av teksten har diverre falt ut)

attandedagen

2009-12-17T18:06:00.002+01:00

gjesteskribenten har ordet:

"svensken dansken og nordmannen skal til vaksinen.

svensken sier: hos oss blir alle tvangsvaksinert, og de som ikke vil blir
henrettet. det er mest rettferdig. da sier dansken: hos oss blir ingen
vaksinert, fordi demonstrantene har ødelagt vaksinen og nå finnes det ingen
vaksine mer. det er aller mest rettferdig. nordmannen hører dem, og sier: hos oss oppfattes
vaksinering som borgerplikt. da får altså alle avgjøre selv, og siden alle
gjør det som alle gjør, gjør alle det som alle gjør. dette er rettferdigst."

femtandedagen

2009-12-15T20:14:00.002+01:00

femtandedagen var dagen då mangt kunne gått betre. men lite var ille.

fjortandedagen

2009-12-14T13:06:00.002+01:00

fjortandedagen kan ein til dømes gjere opp for fjoråret, bade i fjorden eller ri på fjordingen.

ellevtedagen

2009-12-11T16:22:00.005+01:00

Ellevtedagen er som kjend dagen etter tiandedagen og dagen før tolvtedagen. ellevtedagen er også tredjedagen etter åttandedagen, og såleis kan ein slutte at det har gått tre dagar mellom innlegga på antiagenturet. Desse tre dagane var prega av at tiden mellom åttandedagen og ellevtedagen gjekk.

Som kjend er det slik at tida går, ikkje kryp eller spring eller køyrer bil eller flyr. Denne gåande tida kan ein så dele inn i mindre einingar: Døgeret som vi deler inn i dag og natt, og dette døgeret kan vi dele inn i timar, minutt og sekund. Den siste måten å dele gåande tid inn på, nemleg etter klokka, som sjølvsagt ikkje må forvekslast med Klokka, er eit ofte nytta tidsinndelingsparadigme i den internasjonale verda. Ein kan finne konsertar annonserte til ei viss tid, på same måte som radioprogram kan vere annonserte til ei viss tid. For at ein ikkje skal tru at konserten og programmet tek til samstundes, kan ein også gje dei einskilde døgra namn. ellevtedagen, som er i dag, vil kunne bere namnet "ellevte desember, totusenogni etter Kristus". Denne måten å dele inn gåande tid på vert kalla den gregorianske kalenderen, etter pave Gregor XIII.

Då denne kalendersorten som berre har vore nytta i 427 år, har ein historisk sett meir røynsle med den julianske kalenderen. I Danmark-Noreg var denne gregorianske kalenderen ny i 1700, noko som tyder at ein i desse landa berre har 309 års røynsler med slik kalender. I Sverige gjekk ein også bort frå den julianske kalenderen i år 1700, men dette berre over ein periode på 12 år. Eigentlege røynsler med gregoriansk kalender i Sverige går over 256 år. fotnote 1

Etter den julianske kalenderen er i dag ikkje ellevtedagen, ellevte desember totusenogni, alternativt 11.12.2009 a.D, men tjueåttande november totusenogni, alternativt 28.12.2009 a.D.

Prinsippet som med innføringa av den julianske kalenderen dei siste 1963 åra har vore sterkt styrande for kalendertypar, som har vorte meir og meir internasjonalt styrande, følgjer det sideriske året - eller: "Det sideriske år er tiden det tar sola å komme tilbake til samme posisjon med hensyn til stjernene på stjernehimmelen" fotnote 2

Sjølvsagt finst det også fleire andre kalendertypar. Difor fell nokre høgtider til same tid i høve til den gregorianske kalenderen kvart år, medan andre ikkje gjer det.

fotnote 1: Dersom ein reknar kalenderrøynsler for påske for viktige, har Sverige 165 års røynsler med gregoriansk påske.

fotnote 2: jf. http://no.wikipedia.org/wiki/Siderisk_år

åttandedagsbluesmedley

2009-12-08T17:52:00.003+01:00

(prosalesing)

åttandedagen kan minne om ein måndag. blå eller ikkje. kvar skal ho vende seg for trøyst. veit ho neimen ikkje. åttandedagen. endå eit steg mot det endelege. passert. over. ferdig.

(mel. tango for to (berre refreng))

no vert det middag på ho

og om ho ikkje et nok må jo straffast med klo

(mel. det lyser i stille grender)

og kjem det til uvenskap her

må einkvan gå ut ein tur

for alle skal verte blåbær

og så kvile fint ein lur

(mel. eg veit ei lita jente)

og no skal alle sjå til fjells

så langt så langt til fjells

for der skin ikkje sola fint på kvelden

på kvelden er han gått

som berre ein kan vere gått

og kjem visst ikkje att før på eit bee-eeel

Sjuande dag

2009-12-07T21:11:00.001+01:00

Kvarteret er over. Boblane stig. , eller: Kvarteret er over. Boblane stig.

Pass på

2009-12-06T00:23:00.003+01:00

Ingen luker i parkeringa, takk. Klokka har drive antiagenturleg verksemd denne veka og kome til fleire oppsiktsvekkande kva-ein-no-kan-kalle-det. Ein kan i alle fall røpe at det dreier seg om mellom anna ein nesten slutta sirkel og ein vaskeekte stor diger gammaldags løgn som fall i fisk for løgnaren,

slik at andre kunne stige opp or asken (etter at løgna hadde brunne ut) som ein moralsk overlegen fugl føniks.

og to fiskar på kroken.

Adventyrleg

2009-12-01T18:27:00.002+01:00

No er det advent, og det tyder at noko(n) skal kome, eller som han sa: "Nokon kjem til å kome".

Den norske byggeskikken

2009-11-18T14:14:00.003+01:00

Klokka har funne inspirasjon i litteraturen. Dessutan har ho svaret på tante Fioletts fråga. Mange andre også.

Tru

2009-10-26T14:44:00.002+01:00

somme gonger trur klokka at no må botnen vere nådd.

Song for deg og meg

2009-10-15T10:50:00.002+02:00

O du store min,

kva skal skje?

O, herlege hus,

materialiser!

O, smektande tonar,

kom fram frå krik og krok.

O, no nærmar det seg jommen,

det eine og det andre.

Audmjuke rosa elefantar

2009-10-06T14:20:00.002+02:00

...dansar over feberhete panner medan regnet solar seg i lyden av sprengingvarselet. Andre gongar er det kyrkjeklokkene som blandar seg med tinitusen til fulle kamelar utanfor hageporten til naboen som alltid køyrer fløytande vaskemaskin til arbeidet på øya utanfor fastlandet.

(Mellom anna døme på bruk av preposisjonar som markerer tilhøvet mellom ord og ledd i setningar.)

Jubileum

2009-10-01T16:45:00.003+02:00

Klokka vurderte å uttale henne om Anna Anka. Eller om jenta som i går viste bussjåføren som køyrde frå haldeplassen før ho var komen fram dit ein uvenleg gest. Eller om ramnane som bråkte i skogen i dag.

Ho har vurdert ferdig.

Maxim F. Poltingbrooke var - etter lova - ein bigamist.

Kongress

2009-09-26T16:42:00.005+02:00

Kimonokledde kypriotar kickboksa kidnapparen. Kjensgjerninga kjendest klam: kidnapparen klemte klaviaturet klynkande. Koralen kolorerte kommunikasjonen knurrande.

"Komplott!" kauka kimonokledde kypriotar.

"Kompott!" kvein kelneren.

Kurfyrsten kurra kuriøst, knurpande.

Kvalpen konsumerte kviterussiske kjeks.

Identitetsproblematikk

2009-09-23T14:00:00.002+02:00

Klokka har fått mykje kritikk for ikkje å ta nok pauser. No har klokka tatt sjølvkritikk og freista å gjere noko med saka. Då gjeld det å gå systematisk til verks.
1. Kartlegg personlegdomen
2. Kartlegg karakteristiske trekk ved den personlegdomen
3. Kartlegg karakteristiske utfordringar for nett dei karakteristiske trekka ved den personlegdomen.
4. Kartlegg mogelege tiltak.

Klokka skreid så friskt og freidig til verket:
1. Kvar betre stad å leite enn hjå quiz-ane på start.no? Resten heng på denne..

Resultat: Klokka er Erna Solberg, Triana Iglesias og Spearmint.

Knegg.

Knegg knegg.

(Omsett: Den over 50 år gamle ukrainske mummitrollspionhesten frå Stavanger som heiter Sunniva, men liknar Meryl Streep, og som i neste liv kjem att som hest, men som like gjerne kunne ha vore ein pegasus, gjev opp (for nye antiagenturlesarar: jf. bloggposten 16. juli 2007). Klokka er framleis knivskarp.)

Uhyggeleg drukning

2009-09-22T14:01:00.002+02:00

Medan Klokka på uhyggeleg vis ser ut til å vere i ein drukningsprosess, registrerer ho at ingen framleis har kommentert at alle stemmene i pollen om verdas beste sparegris (til høgre) på mystisk (og uhyggeleg også) vis har vorte sletta, utan at ho har noko med handlinga sjølv å gjere.

Dette kan ein grunne på medan ein sakte nærmar seg botnen.

Siste nytt

2009-09-21T10:06:00.002+02:00

Klokka har endra mykje etter sommaren, som gjorde mykje klårt og tydeleg, men også sørga for tåkelegging av andre ting, og ventar at mykje endrar seg også over hausten.

Ho legg no ut ei oppdatering, etter mange oppmodingar, for å seie at antiagenturet framleis agenterar antisk, som nokre har ytra seg tvilande til.

Elles kan ho melde at vindauge ut mot eit anna innandørsareal berre fører til avgrensa utlufting. Det er med andre ord ikkje rom for realisme her.

papp

2009-08-30T21:47:00.000+02:00

klokka har rydda mykje. også papp.

Returspeiding

2009-08-26T12:59:00.001+02:00

Som klokka før nemnt har, reiste ho langs Jølstra og speida. Ho tok turen ein gong til andre vegen og speida meir. Framleis korkje Hovland, barten til han Stedje eller pappvin å sjå.

Skuffande.

Det hjelper ikkje å bøte på det no.

Klokka på speiding

2009-08-03T20:32:00.001+02:00

Ferien har kome over antiagenturet. Ferien følgjer antiagenturet. Antiagenturet har no spreidd ferie fleire stader.

Dessutan har Klokka speida langs Jølster på jakt etter Ragnar Hovland, pappvinen og barten hass Olav Stedje. Ingenting å melde.

Anitagenturet rasar

2009-06-28T14:22:00.003+02:00

Antiagenturet rasar mot så mangt.

Antiagenturet vil med dette gjere det heilt klart at det finst mykje å rase mot.

Antiagenturet vil leggje til at det finst også mykje anna å rase mot, som antiagenturet enno ikkje har fullstendig oversikt over.

Antiagenturet vil såleis gjere det klart at rasing har ein plass i delar av generell antiagenturleg verksemd.

Antiagenturet vurderer tiltak.

(Jf. NNN.)

Klokka tek stilling

2009-06-25T15:15:00.002+02:00

Som medlem i den "fremadstormende yngre garde" som stendig vert eldre, må klokka etter høveleg tids overveiing av ulike perspektiv (som ein med tvisyn sjå kan) seie at det er på tide å stilling take.

Og ete kake.

Tunnellen

2009-06-16T19:26:00.002+02:00

Nett når ein er nesten nøgd og trur at alt er nesten greitt, syner det seg plutseleg at mothaken er i ferd med å feste seg djupare enn ein nokon gong skulle tru at nokon kunne bu. Kort og kontant.

Maimelding V

2009-06-01T09:23:00.000+02:00

Mai er over.

Maimelding IV

2009-05-28T13:09:00.000+02:00

Mai går mot slutten.

Meimelding III

2009-05-18T20:04:00.001+02:00

Stendig er det mai.

Maimelding II

2009-05-15T18:23:00.001+02:00

Som meldt i går: Mai er her.

Maimelding

2009-05-14T22:37:00.002+02:00

Mai er kommen, mai er kommen.

Altet

2009-04-30T10:04:00.002+02:00

Klokka sit og slavar, ser opp, og skjønnar brått at flokken (ho sit i) spring mot stupet. Kva skal ho gjere? Ho ser ned att, tenkjer følg berre på, vengene kjem nok i tide.

(Stryk det)

Paradoksalt

Gjev inga meining. Då kan det heller ikkje vere slik.

(Stryk det også)

Observasjon

2009-04-27T14:59:00.002+02:00

Klokka tykkjer noko er annleis i høve til før.

Nye tider

2009-04-25T21:58:00.002+02:00

No har noko hendt i klokkaheimen som fører til nye tider. Nye tider gjer meir mogeleg, og meir mogeleg tyder mindre tid. Kvar skal det ende? Kva skal no hende? Klokka sig ned og kjenner henne utmatta og oppmuntra og tvilar på den generelle livsdugleiken som er naudsynt for det eine og det andre, men no har ho akkurat messa om slikt, og gjer det ikkje på nytt att her. For å oppsummere kan ein seie at mykje vert som før.

Avsløring

2009-04-21T22:34:00.002+02:00

Klokka kan avsløre at den antikvariske erkjenninga av at ikkje alt er som det verkar, stemmer.

Logg inn

2009-04-07T12:01:00.001+02:00

klokka vart kasta ut to gonger i dag då ho freista å logge på blogg. ho tek det til etterretning, og held hovudet lågt resten av dagen.

Kall

2009-03-28T23:12:00.003+01:00

Klokka kjenner henne kalla til å seie noko i dag, no når det nærmar seg det å vere på tampen av mars. Ho skal grunne over dette.

Marspost

2009-03-16T18:48:00.002+01:00

Tru kvifor ikkje sola er Jupiter (omvendt)?

Test

2009-02-25T14:29:00.001+01:00

Klicka på önskat område för yrkesförslag
Teater, musik, film
Bild och form
Informera
Utreda, planera, förhandla
Experimentera, forska
Konstruera, mäta, rita
Köpa, sälja, marknadsföra
Undervisa, instruera
Ge råd och stöd
Hantverk
Personlig och administrativ service
Bygga, anlägga
Vårda, behandla
Industriell tillverkning
Laga mat, arbeta med livsmedel
Djur, växter, lantbruk
Data/it
Miljövård, hälsoskydd
Montera, reparera, installera
Friskvård och kroppsvård
Köra fordon
Bevaka, skydda

Ugjennomskuelig

2009-02-21T20:50:00.002+01:00

Klokka sitter på kjøkkenet mellom store slag. Hun kontemplerer.

Klokka sit på kjøkkenet. Mellom store slag. Ho kontemplerer.

Inbetween great battles Klokka sits in the kitchen contemplating.

In zwischen
¨
¨
ablativus absolutus

Klokka undrar på kva ho skal verte

2009-02-17T22:49:00.002+01:00

Eller: Klokka undrar på kva det skal verte av henne.

I desse dagar er det mange tankar som sviv rundt. Klokka grublar, rett og slett. Det er ikkje reint uvanleg i seg sjølv: Grubling er ein grunnleggjande antiagenturleg dugleik. Klokka har svært høg gruplekompetanse. Tema for grublinga denne gongen er, som tittelen indikerer, kva ho skal verte, eller, som omformuleringar ymtar om, kva det skal verte av henne. Rett ut sagt veit ho ikkje, men ho kjenner at spørsmålet vert meir og meir trugande og er i ferd med å fare over henne med alt det fælslege slike trugande berghammar-spørsmål ber med seg. Altså må ho freiste å i det minste slå berghammaren på målstreken - det er det minste ein kan forlange. No snakkar ho henne bort. Ny start:

Klokka står ved eit vegskile i livet. Ho skjønar at ikkje alt kan vere som det har vore, og at ingenting er som det skal vere. Slikt må ein ta konsekvensar av. Klokka kunne tenkje seg å ta ein "kva-skal-du-verte"-test eller "kva-høver-du-best-til"-test. Men ho har enno friskt i minne at ho eigentleg er ein ukrainsk hest som heiter Sunniva og bur i Stavanger (meir om dette 16. juli 2007 for dei som ikkje måtte ha det same friskt i minne), og tvilar på at ho på eiga hand kan kome fram til informative testar. (Og dersom nokon skulle lure heiter ho korkje Sunniva eller bur i Stavanger. Eller er ein firbeint ven frå Ukraina.) Klokka må altså endå ein kveld gå til ro med livets stora frågan surrande rundt. Og rundt.

Intimitetstyrraniet til side: Klokka noterer henne at den store undersøkinga om sparegrisar som ho gjennomførte for ei tid sidan, sanka stemmer til både det eine og det andre. Ho skal vurdere å lage ei eiga undersøking som tek sikte på å avdekke tidlegare løynde eksistensielle sanningar i næraste framtid.

No har ho sagt for mykje.

Utkast automatisk lagret på 23:07

(Sjølvsagt var det lenge etter at ho burde ha sovna.)

Utkast automatisk lagret på 23:09

(??)

Siste nytt frå kaldfronten

2009-02-12T19:19:00.002+01:00

Det heng ikkje på greip, og noko heng i lause lufta. Tenke seg til, sa øksa og helste på skaftet. Obduksjonsrapporten synte at nasen hadde vore nytta som fiskestang.

Klokkologisme

2009-02-06T19:13:00.002+01:00

Ein kan ikkje kome til noko utan å røre på seg.

(For dei som måtte meine å ha høyrt noko liknande før, så stemmer det. Det er berre det at ikkje alle veit det likevel.)

Ikkje ein gong Klokka veit

2009-02-03T20:37:00.002+01:00

Tida er no inne for å ta seg skikkeleg saman og ta stilling til den jätte stora frågan: Kva er den beste sparemetoden? Spring til urnene! Ho seier det berre ein gong.

Bøttn seier (om noko heilt anna): "Han må ha vært umoden, hvis han ikke allerede var blitt råtten". Ikkje ein gong Klokka veit.

Feiring og Warning

2009-01-31T15:40:00.000+01:00

Klokka et chips og This site may harm your computer.

Lade (II)

2009-01-23T08:52:00.000+01:00

Somme gongar kan det svare seg å sove.

Lade

2009-01-22T21:37:00.002+01:00

Ein kan seie mykje om ordet lade. Ein nabo leitte til dømes svært ivrig etter ein for ei tid sida. Men no altså. No sit klokka i mimosaduft og er sjølv litt av ein mimos, medan ho lader opp. Eller ladar opp, alt etter som. I alle høve er no mykje vorte meir og dimed for mykje. Klokka kunne til dømes streike som resultat, men einmannsstreikar har sjeldan stor impakt, som det heiter på nytt, og alt som er nytt er fint. Og når ein tenkjer på lading, og trøytnar av det vonlause i eksistensen, kan ein ta eit tak og til dømes utvikle ein ny og mystisk sjukdom med symptomar som hypermobile ledd og hjartebank og kløande hender og eit snev av fallesjuke pluss handflassing, eller ein kan trekke seg ein ny kopp te, tenkje på den nattsvarte natta, den like svarte katta og kva det skal verte av med alt dette som berre no flyg i rolege spiralar nedover, fjørlett og dansande elegant, slik at ein skal verte forheksa til å tru at det skal vere slik. Og alt kan kome av noko heilt anna.

Detdet, som dei brukar seie.

(Om andre ladar kan ho kome tilbake.)

Klart du kan!

2009-01-03T17:07:00.002+01:00

Då klokka i dag hadde peikefingergymnastikk, kom ho over annonsar som sa 'Klart du kan'. Hm. Og korleis skal ein reagere på slikt? Klokka tok til å tenke på alt ho kan: slå på ljos, tenne på ljos, lese stille, lese høgt, sitte, gå, hoppe, tale ei avgrensa mengd språk, ete pære, sjå på tre, kikke på bokhyllene, stire ut i lufta, drive peikefingegymnastikk. Ja, klart ho kan, tenkte ho. Men annonsen tala ikkje om nokre av desse tinga.

Og desember er gangen.

"Bli frimerkesamler"

2008-11-30T13:59:00.003+01:00

Klokka undrar over dette slagordet som ho fann på eit postkontor. Ho gjorde det ho skulle på postkontoret, trass i postkontoret, og gjekk ut igjen med ei gul designarpose med innskrifta "Bli frimerkesamler". Visst er klokka danna, og veit at frimerkesamling er eit skalkeskjul for alternative motiv, så ho skulle ikkje ha vorte så overraska over postmannen som banka på døra tidleg laurdag morgon.

Ordtøkja

2008-11-28T21:12:00.001+01:00

"Det er grønare på andre sida av bekken", sa kjerringa og gjekk mot straumen.

Så gjekk straumen, og lysverket sa det ikkje var deira feil.

Udanna lesesirkel

2008-11-25T18:22:00.007+01:00

Som det kanskje har kome fram av antiagenturske meldingar tidlegare, hender det somme gonger merkelege ting i klokkalivet. Ofte er desse merkelege hendingane knytt til tilfeldige møte med framande. For ikkje lenge sidan vart klokka utsett for framlegg om å danne lesesirkel. Forslagsstillaren var svært oppteken av zen og motorsyklar, men klokka er av ei anna orientering.

Tjenesten er midlertidig sperret

2008-11-05T19:02:00.001+01:00

Antiagenturet har registrert et mulig problem med den maskinadressen (IP-adresse) som du benytter for å få tilgang til Klokkas antiagentur og/eller tautologiske Klokka. Vær oppmerksom på at dette kan skyldes forhold utenfor din kontroll. Prøv gjerne på nytt om en liten stund.

Tirsdag

2008-11-04T18:24:00.003+01:00

VAR DAGEN.

agend rav vunsnenn

lokla rav ekki red

Kvardagsrealisme

2008-10-27T17:46:00.003+01:00

Klokka hadde planlagt å skrive forsmedelige ting om hverdagsrealisme. Klokka planla eigentleg noko heilt anna.

Og nu - nu blir det neste tirsdag. Javisst, husk det, neste tirsdag.

Antiagenturleg

2008-10-24T13:22:00.002+02:00

Klokka hadde planlagt ny bloggpost: "Språkrådet kom, såg og normerte eit ord". Men så kom andre tankar i staden.

Der ein skulle tru

2008-10-10T23:01:00.001+02:00

Fredagsnatta tek til omlag som førre natta enda. Mykje vart gløymd i mellom.

Vanvittig

2008-09-19T23:14:00.002+02:00

Vangen hvisket "Vanvittig var hvilken valfart..". Hva Vangen hvisket visste vennen, hvilken hvisket "Einar eide ingen elbil".

Ny post: NNN

2008-09-16T22:09:00.002+02:00

..og det var då det small: NNN (No er det Nok)!

Sjølvsagt kan ein innvende at det innkonsekvent å seie nnn til no er det nok, sidan det heilt tydeleg ikkje er tre n-ar i no er det nok. Men det ville samstundes vere å nekte for at no er det nok. Dessutan er nn noko heilt anna.

Kimer i klokka

2008-09-06T00:31:00.001+02:00

Det er berre slik: samanhengane kjem til sist. Før det er det berre episoder.

Refleksiv-kritisk refleksjon (tevling)

2008-08-30T12:26:00.003+02:00

No er det laugardag. Lauginga ventar enno. Medan det vert lite med det, sit antiagenturet festa og fjetra ved radioen og høyrer på radio. P2. Der er det no debatt. Antiagenturet har tidlegare høyrd ei av dei stemmene som nett no durer gjennom radioen. Sist gong var i fritt svev gjennom lufta, og då var lydane ikkje som det var no, når det var eit nytt svev gjennom lufta. Førre svev enda med opptørke, dette svevet med ikkje-dialogisk undring. Kva har hend med stemma som ein gong var slik som ikkje no lenger var? Plutseleg endring. Endingar annleise, tonefallet annleis, meiningane ikkje-samse. Osb. (Antiagneturet feller ikkje dom, berre registerer. Og slyngjer det ut i eit ikkje-førehandssensurert nettforum.) Kven var dette? Giss.

(I alle høve var debatten for nokre minutt sidan. Berre til hjelp.)

Draum om hausten

2008-08-27T20:25:00.000+02:00

Parapluie-Revel

å verte ein mokkabønne sjølv slik at ein kan bite på fingrane

GPL

2008-08-27T10:03:00.002+02:00

No er det på tide å glede trufaste lesarar med meir GPL. Utan at klokka har drive med oppsøkande GPL-leitingsaktivitet har ho no kome over mykje lell. Det vil seie, det (GPL) har kome over henne. Ho har stille og greit observert, registrert og presenterer no fylgjande utdrag frå den siste månadens GPL (omsett til antiagentursk):

Slik gjer alle det også når jorda skal dyrkast. Ser på med distanse og strør ut nokre frø frå vindauget, let att glaset og ventar på ingenting. Det er det som er naudsynt.

Klokka observerer, registrerer og meir til. Fleire rapportar kjem. Vdg.

101 (ute)

2008-08-14T19:26:00.003+02:00

no var det gjort. for mykje av alt og for lite av alt. ingen stad moderasjon, den gyldne middelvegen finst ikkje, den går rakt galne vegen.

så var det seinare. endå meir gjort. endå meir for lite av alt og for mykje av alt. heller ingen moderasjon, og boomerangen slær attende og kappar av alt som i vegen står. den som ikkje var gylden, men gjekk råke galne vegen.

no? no.

kva meir kan ein seie?

la konsekvens fare og stig ut

Fiksjonalisme

2008-08-06T19:53:00.003+02:00

no kunne klokka nytta plassen og høvet til å seie noko om kva som fiksjonaliserer kvardagen i kva grad og kva som definitivt kjem innunder kategorien førestellingsrealisasjonsfiksjonalisme, men gjer ikkje det. i staden ser ho at det vart ikkje noko neste veke etter førre gong, og at det no er bloggpost nr. 100 i antiagenturet.

ho går ein annan stad og skriv ein liste over andre ting framfor å drive med feiring. men åtvarar alle skiftenøklar: de må berre ikkje tru at de får noko gjennom på det viset!

Der ingen skulle tru at nokon kunne bu

2008-07-09T00:05:00.003+02:00

Neste veke: Korleis har kokos hatt innverknad i ulike keiserdømme? Og kva seier kamelen til det?