Dagen derpå

Etterpå.

Siden. 

Senere. 

Deretter.
Konsekvensen.

Etter. 

Bak. 

I samsvar med. 

Som resultat. 

Som resultat av. 

Følgen av.

Sporet av. 

 

Falske vener

Ein skal passe seg for slike.

Sjølv om

Klokka lenge ikkje har sagt mykje frå eller til på antiagenturbloggen, tyder ikkje det at Klokka ikkje seier noko. 

På djupt vatn

Klokka har søkt mot / vorte trekt ut på djupt vatn. Uavhengig av korleis Klokka hamna der, er det der ho er. 

Å ikkje gløyme

Ein skal aldri starte eit avsnitt med overskrifta, men det er samstundes viktig å ikkje gløyme kva overskrifta har lova. Når ein då likevel vert freista til å starte med overskrifta i brødteksten, gjeld det å stå fast imot. 

Pilatusgehalten

Alt ein kunne seie om eit samfunns pilatusgehalt som ein likevel teier om.

Der ein ikkje skulle tru at nokon kunne bu

Frå tid til annan må ein undre på om ikkje dagens norske måte å arrangere heimlege opphaldsstader på faktisk manglar historisk sidestykke. Dette stykket burde ein kanskje salte og tørke. Kanskje ville det gje betre smak. Eller røyke. Det kunne også vere noko. Spørsmålet er kva veg feittet ville renne. Og eit anna spørsmål er om kanskje strimla uansett alltid er betre enn blokkdanning.

Song

Ein song kan gjere dagen betre, han kan setje eit uttrykk på indre kjensler og han kan krevje noko av ein. Det er berre tre ting mellom fleire. Ein song er difor meir enn eit kinderegg. Ein kunne slå eit slag for songen.

Mogeleg bakgrunn for endringar

Det kunne tenkjast at alt vart annleis om ein endra premissa grunnleggjande og ugjenkalleleg. Då kunne det hende at ein gjennom å innsjå premissendringa, også ville arbeide for noko anna enn no.

Alt det utenkte

Alt det utenkte. Om det utenkte også var usagt.

Kanonskyting

I dag er ein dag ein kunne skyte litt med kanonar. Ikkje mot sporvar eller anna levande vesen, men litt sermonielt. Lauskruttkanonskyting. Berre for å ha det gjort om vinteren også, og ikkje berre denne irrgrøne grunnlovsdagen som slett ikkje alltid er irrgrøn. Eller ein kan skyte andre kanonar. Seie at no må ein honen dondre sjå til å gje kvarandre gamle ullabbar i premie på jolaftan, eller at ikkje alt som ser ut som det gjer, er det det ser ut for at det skal vere. Eller at det som ein trudde var noko, synte seg som noko heilt anna, og at ein no er bondefanga og ikkje kjem seg ut av det og panisk tek til å gå raskare og raskare for å kome seg ut av det lell, berre for å oppdage at dette var ei tredemølle som ikkje er til å sprengje, og ein ikkje når fram og pusten går tyngre og tyngre, det renn væte på ryggen og hjarterytmen styrer øyro og stenger alt anna ute og ein kunne tenkje seg at lauskruttkanonskyting i alle høve ville vere ei avveksling. Sann.

Melding

Innlegget som ble 21:21:00 har desverre ikke matchet kvalitetsindikatorkravene som styret har satt opp for denne virksomhet, og blir med umiddelbar virkning derfor trukket tilbake fra markedet før det kan slippes, for å unngå den blamasje det ville være med en slippfest som kunne trekke oppmerksomhet til denne virksomhet uten at kvalitetsindikatorkravene ugjenkallelig og ubestridelig er trygt ivaretatt og imøtekommet på det vis man måtte kunne forvente innenfor denne virksomhet. Styret må nå studere kjennsgjerningene og vurdere om en karantenetid skulle måtte drøftes eller kanskje iverksettes, dersom den allmenne anstendighetsfølelse skulle kunne tenkes å være utfordret. Styret kan ikke kommentere denne saken ytteligere, og henviser til virksomhetens formålsparagraf for andre henvendelser.

Når regnet regner

Når regnet regner,
regner regnet.

Når regnet regner,
regnes regnet.

Når regnet regner,
regn.

Regn.

Medan vi ventar på resten,

har Klokka teke steget over i ein ny eksistens. Flerfoldigheten vil ingen ende ta. 

(Både hovudmål og sidemål på ein gong, for dei som måtte lure.)

[...] kommer resten, så kan vi begynne festen.

Og vi ventar framleis på kunngjeringa om kva tid resten er her.

Sjokk

Ulike ting kan føre til sjokk. Sjokk kjem gjerne når ein minst ventar det. Sjokk merkar seg ut frå andre typar overraskingar gjennom ein sterk fysisk reaksjon på det inntrufne. Når det ikkje er tale om ein medvitslaus tilstand, nyttar ein termen om ei "ovstor skaking eller uventa påkjenning". Klokka har nyleg utsett seg sjølv for ei handling som førte til eit slikt sjokk. Og ho kan ikkje skulde på andre, på manglande medvit eller noko som helst anna enn tankeløyse. Eikvan annan hadde gjerne ikkje reagert med sjokk. Det er eit faktum at ulike ting eller handlingar påverkar ulike menneske på ikkje-identisk måte. Og det er også eit faktum at dette faktumet har liten eller ingen innverknad på reaksjonsmønsteret til menneska. Slik utan vidare.

Sanning

Det kan vere anstrengande å kaste bort tid, men treng ikkje vere det.

Membran

No og då kjenner ein vekta av universelle problemstillingar som tvingar ein til ransakande konfrontasjonar anten med noko fiktivt eller noko ikkje-fiktivt, utan at problemstillingane sjølv verkar å vite om dei er fiktive eller ikkje-fiktive endå om dei framstiller seg som universelle, utan at det i seg sjølv på noko vis treng vere ein motsetnad mellom fiksjonalitetsstatus og universalitetsstatus, og den eventuelt framtvungne ransakande konfrontasjonen får uansett skin av fiksjonalitet, sidan fiksjonalitetsstatusen ved det konfronterte ikkje kan stadfestast som klår, uavhengig av universalitetsspørsmålet. 

Og reven raskar framleis

Ein vil tru at reven raskar framleis. Om ikkje over isen, så nesten sikkert over eitkvart anna.

Mellomkast

Man hører sjelden om mellomkastene, og enda mindre om mellomkasterne. Det er sannsynligvis ikke et heldig tegn.